#અણગમતું_આયખું_લઈ_લ્યો_ને_નાથ_તમે, #મનગમતી_સાંજ_એક_આપો…”

૧૯૬૩ થી ૨૦૨૩ એટલે કે સાઠ વર્ષોનાં #શ્રી_વૃંદાવન_સોલંકીના પ્રદાનને એક ક્લાસિક ગ્રંથમાં સમાવી લીધું સરળ કલા મર્મજ્ઞ #શ્રી_અનિલ_રેલિયા અને તેમની કલા ટીમે..

કાર્યક્રમનું સ્થળ હતું શ્રી અનિલ રેલિયાની જ વિજય ચાર રસ્તા પાસે phoenix કોમલેક્સ ના પ્રથમ મજલે આવેલ અદભુત Archer Art Galary, અમદાવાદ….

હા, હું નિવૃત્તિને માણી રહ્યો છું એટલે રાજકોટથી પહોંચ્યો કલા રસિકોની વચ્ચે..

૧૯૮૦-૧૯૯૦ ના દશકમાં શ્રી વૃંદાવન સોલંકી સાથે ખૂબ મળવાનું ને સંવાદવાનું થયું. તેઓ જૂનાગઢ હતા ને અમારી વિજ્ઞાન કેન્દ્રની પ્રવૃત્તિના ભાગ રૂપે ત્યાં પ્રસન્ન વછરાજાની સાથે બ્રિટિશ કાઉન્સિલ ની ફિલ્મો રાજકોટ પછી જૂનાગઢ પછી ભાવનગર પછી સણોસરા પછી ધ્રોળ એમ દર્શાવવાનું કામ મેં બહુ ઉત્સાહથી કર્યું. ત્યારે શ્રી વૃંદાવન સોલંકી ની કલા યાત્રા જાણી અને માણી પણ..તેઓને વર્ષો પછી મળવાનો લહાવો લેવા અમદાવાદ ભાગ્યો..એમાં પણ વળી આત્મીય શ્રી અનિલ રેલિયાનું ઉષ્મા ભર્યું આમંત્રણ !!

આશ્ચર્યની વાત કહું ?? આ કાર્યક્રમમાં અનિલભાઈ અને વૃંદાવનભાઈ ઉપરાંત બહુશ્રુત શ્રી અમિત અંબાલાલ અને સાહિત્ય અકાદમીના અધ્યક્ષ શ્રી ભાગ્યેશ જહા મુખ્ય મહેમાન તરીકે ઉપસ્થિત હતા.. અમિત અંબાલાલ, ભાગ્યેશભાઈ અને વૃંદાવન સોલંકીએ “લાઘવ” કોને કહેવાય એનું જાણે નિદર્શન કર્યું.!! ટૂંકું ને ટચી જાય તેવું !!

હળીમળી લીધું ને ચા કોફી ને ન્યાય આપી લગભગ સાડા પાંચે કાર્યક્રમ શરૂ થયો અને છ વાગ્યા આસપાસ કાર્યક્રમ પૂરો થઈ ગયો !!!

હા, ચારેય વ્યક્તિઓ બોલ્યા, ફૂલ ગુચ્છ અપાયા, ગ્રંથનું દર્શકાર્પણ પણ થયું,, બધું પણ no formality, no prathna, NO dip pragaty, no announcer, no parichay, ચારેય વક્તાઓ એકબીજાને ખો દેતા ગયા ને હેન્ડ માઇક સરકાવતા ગયા !! હા, અનિલ રેલિયાનો આ કલા ખજાનો સાચવી રહેલ તેમના પુત્રએ અઢી મિનિટમાં મૃદુ કંઠે આભારવિધિ કરી.

શોર્ટ અને સ્વીટ જ નહીં, સ્વિટેસ્ટ!!

બસ, પછી ફરી બધા ફરતા ગયા, ચિત્રોની હારમાળા અને ગ્રંથના દર્શન કરતાં ગયા ને ફોટાઓની ક્લિક થતી રહી. કેટકેટલા કલાકારો ને પ્રતિષ્ઠિત નગરજનો ને મળવાનું થયું… શીલા ભટ્ટ, સૌમ્ય જોશી, નૈષધ પુરાણી, શ્રી અને શ્રીમતી વિવેક દેસાઈ, તુષાર શુક્લ, કુમાર ભટ્ટ, અનુપમ બુચ, હાઉસિયમ નું સર્જક ડૉ. શાહ દંપતિ, નિસર્ગ આહીર, નીતિનભાઈ શુક્લ, એસ્ટર ડેવિડ, દીપક અંતાણી,,, it was a good evening for heart full fellowship… અને પછી ડાયરો પહોંચ્યો અનિલ રેલિયાના big art galary સમાન નિવાસસ્થાને..ફરી ત્યાં વાતોનો દોર અને રસાળ વિવિધ વ્યંજનો થી સભર ભોજન થાળ!!

શ્રી અનિલ રેલિયાનું ઘર ગુજરાતનું નઝરાણું છે, હા, એ આર્ટ ગેલેરી માં વસતું એક ઘર છે. ગૃહે વસતા સૌ મળતાવડા, સસ્મિત ને હળવા ફૂલ જેવા..

રાત્રે એક વાગે પ્રેમ મંદિર ના હિંડોળે હિંચકવા બેઠો ત્યારે એક યાદગાર ગીતની પંક્તિઓ મનમાં ગણગણી …

“#અણગમતું_આયખું_લઈ_લ્યો_ને_નાથ, #તમે_મનગમતી_સાંજ_એક_આપો…”

આવી સાંજ ક્યાંક મળી જાય ને તો જીવી લેવી !!

ભદ્રાયુ વછરાજાની

તા. ૧૦-૦૧-૨૫

મુંબઈ તરફ ઉડતી ફ્લાઈટમાંથી…