જન્મ્યો ત્યારથી જેને પડદા પર માણતો આવ્યો છું તે અને જેમના અભિનયે તથા પેશકશે મને સદા અભિભૂત કર્યો છે તે ભારતીય સિનેમાના મહાનાયક #શ્રી_અમિતાભ_બચ્ચન ને દસ ફૂટ દૂરથી લગભગ બે કલાક સુધી જોવાનો – તેઓનાં ભાવપૂર્વક દર્શન કરવાનો – તેઓનો ઘેઘૂર અવાજ સાંભળવાનો અને તેઓની અંગત પળોના સાક્ષી બનવાનો આજે લહાવો મળ્યો, તે પળને મારા જીવનની ધન્યતાની પળ ગણું છું.

#શ્રી_અમિતાભજી symbiosis પૂના આવે છે તેવું હાર્દિક – જેલમે કહ્યું કે મારી પૂનાની ફ્લાઈટ તરત જ બુક કરવા મેં હાર્દિકને કહી દીધું. ૨૪-૧-૨૪ નાં પૂના પહોંચી ગયો. ભારતની Top Most Symbiosis International Deemed University , Puna ખાતે બે વર્ષથી હાર્દિક Prof. Director તરીકે contribute કરે છે. તેનું lavale campus એક હિલ પર છે,,એટલે હિલ સ્ટેશન જવાની જરૂર જ ન રહે. આપણે તો હિલ સ્ટેશન પર દીકરાનું ઘર એટલે સોનામાં સુગંધ !!!

આજે સવારે Symbiosis International Deemed University નાં Faculty of Media and Commucation દ્વારા Symbiosis Film Festival નું ઉદઘાટન કરવા SIU ના “Prof. Emeritus” શ્રી અમિતાભ બચ્ચન પધારવાના હતા. ઓડિટોરિયમમાં હું અને જેલમ આગળ વહેલા ગોઠવાય ગયા.

ગળે દુપટ્ટો વિટાળેલ કાળા વસ્ત્રોમાં સજ્જ એક ખુમારીએ પ્રવેશ કર્યો અને સભાખંડ ગુંજી ઉઠ્યો. હું પણ બહુ જ નજદીક રહી એ દંપતીને સતત નિહાળતો રહ્યો અને મારો પ્રેમભાવ છલકાવતો રહ્યો. શ્રીમતી જયાજી પાછળ રહી જાય એવી સ્ફૂર્તિ અને ચુસ્તિથી અમિતાભ સ્વસ્થ અને જીવંત રહી વિદ્યાર્થીઓથી ખીચોખીચ ભરેલા ખંડ પર છવાય ગયા.

તેમણે પોતાની નીજી અદાયગીસભર style થી પ્રવચન કર્યું. તેમનાં વક્તવ્યમાંથી કેટલાક સ્પાર્ક્સ :

#મને કોઈ વિશેષણો કે status કે ખીતાબની હવે કોઈ ખેવના નથી. હું સંતુષ્ટ છું.

#હું જીવતાં જીવતાં સહજતાથી જે અનુભવું છું તેમાંથી કેટલુંક બુદ્ધિ ઉપરાંત હૃદયમાં સ્થાન જમાવી લે છે અને તે મારા અભિનયમાં reflect થઈ જાય છે.

#સિનેમા ક્ષેત્રે થઈ રહેલ ટેકનોલોજીકલ advancement ને આવકારું છું. પણ અમારી પેઢીને કશો લોસ નથી ગયો. ઉદાહરણ આપું…અમારા સમયમાં સેલ્યુલોડ ની ફિલ્મ હતી તેથી કોઈ સીન ના ટેક વધુ થાય તો પ્રોડ્યુસરને ફિલ્મ મોંઘી પડતી તેથી આગ્રહ રહેતો કે ઓછામાં ઓછા ટેકમાં સીન ઓકે થાય. તેથી અમારી એકાગ્રતા, ગાંભીર્ય અને ચોક્કસાઈ વધતી,,આજે મને કામ કરતો જોઈ ને યંગ જનરેશન આશ્ચર્ય અનુભવે છે, તેનું કારણ અમને પડેલી ટેવ છે…આજે તો ચિપ આવી ગઈ એટલે ગમે તેટલા રી ટેક કરો કિંમતમાં કોઈ ફરક નથી પડતો.

#અહીંની મેડિકલ ફેકલ્ટી નું કામ જોઈ પ્રભાવિત થયો. હું તો વિનંતી કરીશ કે મેડિકલ ક્ષેત્રે એવું કોઈ સંશોધન કરો કે મારા જેવો ૮૦ – ૮૨ વર્ષનો માણસ ૨૦ કે ૩૦ નો થઈ જાય કે જેથી હું અહીં મંચ પર નહીં પણ તમારી વચ્ચે આવીને બેસી શકું.

અમિતજી સાથે વિદ્યાર્થીઓની રસપ્રદ પ્રશ્નોત્તરી થઈ જેમાં તે વધુ ખીલ્યા. એક વિદ્યાર્થીની AI અંગેની જિજ્ઞાસા વિશે તેમણે ટકોર કરી કે, “આવતા વખતે તમે અમિતાભ ને બદલે AI Amitabh ને invite કરો તો નવાઈ નહીં.”

શ્રીમતી જયાજી પ્રત્યેનું માન વારંવાર પ્રદર્શિત કરવાનું અમિતજી ચૂક્યા નહીં, પરંતુ બંનેની body language ઘણું જાહેર કરી જતી હતી.

પ્રેક્ષકોની ફરમાઈશ પર તેઓએ #અગ્નિપથ ના પિતાશ્રીએ લખેલ ડાયલોગ પેશ કરી સભાગૃહને ચિચિયારીઓથી ભરી દીધું હતું.

હા, અમિતાભ બચ્ચનની ઉંમર અને સતત પરિશ્રમ વર્તાય છે પણ તેઓનો ભુક્કા કાઢી નાખે તેવો આત્મવિશ્વાસ અને જીવન પ્રત્યેનો સકારાત્મક અભિગમ તેને ગમતીલો રાખે છે. આપણે તો એ જ પામવા તેમને milestone ગણવાના. અને ખાસ તો પોતાનાં અભિનય કૌશલ્યને કારણે આટલી લોકપ્રિયતા મેળવનાર આ વ્યક્તિત્વની આગળ પાછળ કે આજુબાજુ કોઈ કમાન્ડો નહીં કે બંદૂકધારીઓ નહીં કે કોઈ બાઉન્સર નહીં કે કોઈ સિક્યોરિટી પણ નહીં. Popularity ઇસે કહતે હૈં, બોસ.

મારા માટે તા. ૨૭-૦૧-૨૪ સ્મરણીય બની રહી.

“#દેવીઓ_ઔર_સજ્જનો…..”