હા, ઓસ્ટ્રેલિયાની બે બાબતો ની ઘણી ઊંડી છાપ મારા દિલોદિમાગ પર પડતી રહી, તે વિષે વારંવાર લખાયું છે, તે છે : (1) અહીંનો યાતાયાત ટ્રાન્સપોર્ટેશન અને (2) અહીંની જે તે સરકારની પોતાનો દેશ કેવો હોવો જોઈએ તેની દીર્ઘદ્રષ્ટિ… મને એવું અનુભવાયું કે કોઈ પણ દેશ પોતાના વાહન વ્યવહારને સુચારુ રાખી શકે તો દેશનો વહિવટ પણ સારી રીતે ચલાવી શકે. અને જે દેશના તંત્રવાહકોને 25-50 વર્ષ પછી પોતાનો દેશ કેવો હોવો જોઈએ તેની સ્ફટિક સ્પષ્ટ દ્રષ્ટિ હોય તે દેશ પ્રગતિ કરે જ કરે. ઓસ્ટ્રેલિયા આ બંને બાબતોમાં વિશ્વના અન્ય દેશો કરતાં મોખરે છે તેમ હું કહી શકું છું. રસ્તા પર નો વ્યવહાર સુસ્પષ્ટ હોય તો જીવન વ્યવહાર પણ સુચારુ રહેવાનો. થોડા પક્ષપાત સાથે કંપનીએ અમેરિકા અને યુરોપના દેશો કરતાં પણ મને નાનો ઓસ્ટ્રેલિયા દેશ અનેક બાબતોમાં સુનિયોજિત લાગ્યો છે અને હા, આપણા ગુજરાતી મિત્રો પણ પોતાની ‘ટિપિકલ બિહેવિયર’ અને અકબંધ રાખીને વસી રહ્યા છે!
