એક વિચાર આવ્યો કે વિનોબાજીએ ગીતા પ્રવચનો આપ્યા અને પૂજ્ય સાને ગુરુજીએ એ લખીને આપણા સુધી પહોંચાડ્યાં, પણ આપણે જે નાની-નાની કણિકાઓ થી ‘ગીતા-પ્રવચન’ નું ગીતાદોહન તારવ્યું છે એને આપણે વ્યાપક ફેલાવો આપવો જોઈએ અને એ જે નાની-નાની કણિકાઓ અધ્યાય પ્રમાણેની તારી હતી તેની એક નાનકડી પુસ્તિકા તે આ ‘વિનોબાજીનાં ગીતા પ્રવચનોનું ગીતાદોહન’ છે.
મારી એવી નમ્ર પ્રાર્થના છે કે ભવિષ્યની પેઢીને આ મહાન ગ્રન્થથી વંચિત રાખવાનો દોષ આપણે ન કરીએ અને એના માટે એની એને સમક્ષ ગીતા પહોંચાડીએ અને આ સરળ-ગીતા એટલે વિનોબાજીના ‘ગીતા પ્રવચનો’ અને એ પ્રવચનમાં પ્રવેશ માટે આ ‘ગીતાદોહન’.
